記得曾經和 ChatGPG 傾計，甚麼是「資產」，它提到一樣幾新穎的詞語叫「記憶資產（Memory Asset）  」

同家人一齊去新加坡旅行，大約用左 HK$55,305，就咁睇好貴，但原來趁家人健康，世界重和平的情況下，一齊去到旅行的時間好寶貴，10年後，20年後，30年後⋯回憶這個故事，仲記得當時發生的細節，這個「家庭回憶」投資回報就值得。

新加坡比我的感覺是貴，但得出是對得住高品質。香港的野是貴，但品質未必對得起價錢。

新加坡比我感覺是，政府今日開會討論議程，明天就通過；香港比我的感覺係，唔，幾好。

新加坡是高效率，出入境簡直快到一個點，基本上無排隊，直行直過，而且機會暫存行李用QR預先登記，我真係覺得成件事好似預先諗好哂流程，將每一步都用最少時間做到最多的野。利用最少資源，做到好多野的國家，有機會睇番 youtube 新加坡歷史。

---

有以下幾點分享，對未去新加坡的人，或者有小朋友的家長有用：

我係夜機去新加坡，在機場 Yotelair Singapore Changi Airport 住一晚，然後第2日留大半日機場早餐午餐及玩。依間酒店細，而且房間內開左冷氣，但冷氣唔會著，要叫人接待處開番先真正開到冷氣。

樟宜機場要預留大半日時間，玩最高個層付費區的全部遊戲，鏡子迷宮，繩網是必玩的項目，人生點都應該玩一次，小朋友要自己行到玩先OK。

一個有大量植物和水氣的機場，真心佩服最初諗到和實行到依個方法的團隊。

---

KidZania Singapore 應該係亞洲區唯一講英文的KidZania，日本日文，韓國韓文，好似有英文場。

當日 09:30 到入口處係無人，由10:00開始工作，小朋友全日 stay 玩左26個印，做左差不多20個不同職業，相比其他媽媽group小朋友去左大阪只有 8個印，差不多做左3倍多的工作。

下午6點放工前，見到小朋友努力工作賺錢最終有305金幣，用左300金幣換左喜歡的禮物，依個堅持幾值得欣慰。

---

ice-cream museum，人生點都去一次，任食雪糕，而且有博物館專門講雪糕，好奇諗到的團隊真係有心有力，香港能否有一些長期的博物館？恐怕租金未必維持到。

手信可以買「筆」雪糕的金色次匙，和雪樣博物館的磁石貼。

---

搭 Grab 司機好主動講新加坡一些「小故事」，教科書無，信則有，不信則無，司機講，我就聽左當故事咁：

- 新加坡的一元，其中有八卦，相傳係興建地下鐵時，經濟好差，相傳係動左地下有龍脈，所以要在正式通車前發行一元硬幣，令到新加坡不同種族的人身上都有八卦保護自己，因為有些種族的宗教不相信，但一元點都會係身上。

- 新加坡被馬來西亞被迫獨立後，社會治安差，所以政府找左當地「某一個幫派」，同佢地講，我們找你做警察，你做唔做，3日後答覆，如果你唔做，我地找「另一個幫派」做，結果就是利用「幫派」的力量去維持治安。

- 李嘉誠新達城，你在網上找找就知，一隻手中間有水池，代表把握財富流入，然後新加坡政府就起左濱海藝術中心，好似一個榴槤卜番隻手咁。

---

在藝術科學博物館見到當時幾靚，但無買到，但後來走左後，才後悔去旅行應該買番手信，下次去住/買番。

結果去左 uniqlo 買左件 t-shirt, well 至少香港無

後記：

1. 最貴的酒店不是 marine bay sand, 而是Resorts World Sentosa - Equarius Villas 酒店房間內可以望住啲魚游來游去的

2. 香港真係一個國際的城市？如果用全民要 識講 識睇 識聽 識寫 英文去衡量，恐怕新加坡遠遠拋離我們。