攝於東京鐵塔內🗼

旅遊最緊要開心，但都有啲保險事項要留意，先可以玩得安心又保障充足！

從 COVID 開關 → 2025年5月，這 2 年內我大約處理過 +200張旅遊保單，以及 +40宗旅遊保險索償個案 (索償率大約在10%-20%)，其中 2宗係 IPA 國際緊急支援服務 (索償率大約1%)。特別的索償之後會以獨立篇章記錄，以下是我整理出一般的經驗分享，希望可以幫到大家：

1. 🫀 旅遊保險 唔保「已存在情況」，例如本身有心臟病，去旅行期間發病，唔屬保障範圍；
2. 🌀 天氣都屬「已存在情況」，例如掛咗8號風球先買旅保，因風球造成嘅損失唔保；日本地震預警都一樣唔受保；
3. 📲 旅行中電話水浸或跌爛，回港後可去原廠報價（Apple、Samsung、小米等），有報價單即可索償，唔一定要單據；
4. 📸 相機或其他物品損壞，做法一樣，去原廠報價，保障上限視乎保單等級；
5. 🧳 行李箱喺機場損壞，記住即場通知職員並要求官方紀錄；
6. 👮🏻 如物品遺失或被盜，必需報警、通知交通機構或酒店等，有官方紀錄先可理賠；不過 金飾、鑽石、翡翠、珍珠等貴重物品唔保；
7. 🚗 如貴重物品係無人看管下遺失（例如擺車內），一律唔賠，所以重要物品要跟身；
8. 🏥 如旅行期間有意外或病痛（非已存在病症），要喺當地睇過醫生先可以報覆診費；因為旅遊保險只包在香港覆診的費用，如果在當地無睇，回港1-2日內求醫，可能酌情處理，第3日或之後就未必賠；
9. 🔔 如旅行中唔小心整壞其他人嘅財物或造成人命損失，唔可以私了，第一時間通知保險公司；
   • 🏨 如果整壞酒店或Airbnb 房間內設備，因為係你自己租用範圍，唔算第三者，通常唔保；
   • 但若整壞 公共設施（如大門玻璃），有機會受保，但需個別審批決定。
10. 🗓️請在引起索償事發日起計，30日內通知我們，如果太遲通知，保險公司有機會不獲處理。

🧳 雖然保險細節多，但清楚知道點樣做，可以令旅程中遇到突發情況都唔慌張。希望呢啲分享幫到大家！😊